MBM 24 NEWS

आरंभ प्रि प्रायमरी स्कूल विद्यार्थ्यांना दिशादर्शक ठरेल- बसवराज धाराशिवे यांचे प्रतिपादन

औसा प्रतिनिधी 

 आरंभ प्री प्रायमरी स्कूल मधून विद्यार्थ्यांना चांगले शिक्षण मिळण्याची व्यवस्था शिवप्रयाग बहुउद्देशीय संस्थेने केली आहे. या संस्थेच्या माध्यमातून विद्यार्थी वर्गाला प्राथमिक शिक्षणाची चांगली दिशा मिळेल आणि या माध्यमातून पालकांना सुद्धा अभिमान वाटेल असे विद्यार्थी घडतील असे प्रतिपादन विश्वेश्वर शिक्षण प्रसारक मंडळाचे सचिव तथा काँग्रेस पक्षाचे प्रदेश सचिव बसवराज धाराशिवे यांनी या स्नेहसंमेलना निमित्त अध्यक्षपदावरून बोलताना केले.यावेळी बोलताना नगराध्यक्ष डॉ अफसर शेख म्हणाले. 

  औसा शहरातून संस्कारक्षम विद्यार्थी घडतील आणि हे विद्यार्थी आरंभ प्रायमरी स्कूलच्या संस्कारामुळे आपला नावलौकिक निश्चित करतील अशी अपेक्षा लोकनियुक्त नगराध्यक्ष यांनी केली. शुक्रवार दिनांक 3 फेब्रुवारी रोजी माळी गल्ली औसा येथे आरंभ प्री प्रायमरी स्कूलच्या वार्षिक स्नेहसंमेलन निमित्त प्रमुख पाहुणे म्हणून डॉ अफसर शेख बोलत होते.  व्यासपीठावर माजी नगराध्यक्ष मेहराज शेख, श्री मुक्तेश्वर शिक्षण प्रसारक मंडळाचे अध्यक्ष शिवलिंगप्पा औटी, श्री वीरभद्रेश्वर शिक्षण संस्थेचे अध्यक्ष वैजनाथ इळेकर, शिवलिंग आप्पा सिंदुरे, संस्थेच्या संचालिका सौ शिवलीला वैजनाथ सिंदुरे यांच्यासह इतर मान्यवर उपस्थित होते. वार्षिक स्नेहसंमेलनामध्ये देशभक्तीपर तसेच लोकगीते आणि देवी देवतांच्या गीताच्या तालावर लहान विद्यार्थी विद्यार्थिनी उत्कृष्टत्ता अविष्कार सादर करून प्रेक्षकांची मने जिंकली. वार्षिक स्नेहसंमेलनानिमित्त आयोजित कार्यक्रमात शेकडो महिला व पालक प्रतिनिधी यांच्यासह गावातील नागरिक उपस्थित होते.